عاجل وهام - مشكلة تهنيج المدونات والحل عندي

لاحظت من يومين إن مدوناتي مهنجة جدا وحالتها صعبة 

وبالأمس جالي الحل على إيدين حبيبتي وأختي ماما نور صاحبة مدونة من نور وقصص من نور

هي دايما حلالة العقد في مشاكل الكومبيوتر وأدين لها بالفضل 

ولما المشكلة اتحلت قلت أقول لأخواتي حبايبي علشان يستفيدوا ويدعولي أنا وماما نور

الحل ببساطة يتلخص في استخدام برنامج آخر غير الإنترنت إكسبلورير في التعامل مع المدونات وهو برنامج يسمى أوبرا

الخطوات تفصيليا:

ــــــــــــــــــــــــــ

1 - هنفتح الموقع ده من داخل الإنترنت إكسبلورير 

www.fileratings.com

2 - هنلاقي مكتوب كلمة فايل ريتينجز بالخط الكبير وجنبها مستطيل رفيع هنكتب فيه المطلوب وهو برنامج أوبرا كالتالي

opera

3 - بعد كتابة كلمة opera

نضغط enter 

أو من الموقع هنلاقي كلمة go

4 - هيفتح لنا صفحة نختار أول حاجه وهي

opera 9.6 download

5 - هتفتح صفحة نضغط على كلمة download

نختار مكان حفظ البرنامج بعيدا عن درايف سي طبعا

6 - نروح المكان اللي حفظنا فيه البرنامج ونفتحه ونعمل ليه installation

7 - بعد كده نفتح البرنامج زي لما بنفتح الإنترنت إكسبلورير ونكتب فيه اسم المدونة ونحفظها في bookmarks 

ودي زي الفيفوريت أو المفضلة بالظبط

8 - هتفتح المدونة عادي بدون تهنيج أو أي مشاكل 

9 - هتيجي رسالة إن الإضافات في المدونة زي الساعة والنتيجة مش هتظهر إلا ببرنامج أدوبي فلاش هتوافقوا على التحميل

10 - بعد تحميل ادوبي فلاش هتظهر كل حاجه في المدونة بإذن الله

إدعولي أنا وماما نور واللي مش هيدعيلنا هو حر ( وش شرير )

يارب أكون أفدتكم بكتابتي لهذا الموضوع 

دمتم سالمين بحفظ الرحمن